Bases do XIX CERTAME LITERARIO DE PIÑOR

As asociacións Música e Cultura de Galicia e Xoves Amigos do Concello, convocan o XIX Certame Literario de Piñor na especialidade de contos.   

1.- Establécense catro categorías, premiándose os dous mellores relatos en cada unha delas. -Categoría A, para participantes de 18 a 30 anos. -Categoría B, para participantes de 14 a 17 anos . -Categoría C, para participantes de 10 a 13 anos. –Categoría D, para participantes ata 9 anos.   

2.- Cada premio constará dun diploma, diversos agasallos e un lote de libros. Ademais entregaranse cheques ós gañadores por importe de 590 euros, repartidos do seguinte xeito: 1ºA: 200€. 2ºA: 100€. 1ºB:100€. 2ºB: 50€. 1ºC: 60€. 2ºC: 30€. 1ºD: 30€. 2ºD: 20€.   

3- Os contos estarán escritos en galego e a extensión e temática dos mesmos serán libres, non debendo estar xa premiados noutros certames, nin por suposto editados en calquera tipo de publicación.   

4.- Os traballos enviaranse por correo ordinario á sede social da Asociación Cultural Música e Cultura de Galicia (R/Requeixo, 70. 32930. San Lourenzo de Piñor. Ourense), indicando no sobre: PARA O XIX CERTAME LITERARIO DE PIÑOR.   

5.- Xunto cos traballos, os participantes deberán envia-los seus datos nun sobre no que aparecerá pola súa parte externa, o lema ou pseudónimo, así como a categoría na que se participa. Dentro del, figurará o nome e apelidos do autor, idade, enderezo e número de teléfono. O prazo de admisión pecharase o venres, 18 de xuño de 2010, ás 15:00 h.   

6.- O xurado compoñerano persoas de recoñecida solvencia nos eidos do ensino e a literatura. O fallo será inapelable e a entrega dos premios terá lugar o domingo, 27 de xuño do 2010, nun acto que se celebrará dende as 20:00 h., no Teatro Principal da cidade de Ourense e que contará coa animación musical da banda de gaitas Frouma, un grupo de danzas e cantares de Portugal e a banda de música do concello de Barbadás.   

7.- Os orixinais non serán devoltos ós seus autores, reservándose os organizadores o dereito de publica-los relatos gañadores.  

8.- Poderá ser solicitada a información que se precise sobre este certame, chamando ó número de teléfono 609 811 129.   

9.- A interpretación destas bases corresponderá exclusivamente ó xurado. O feito de presentaren as súas obras supón a conformidade dos participantes coas presentes bases.   

Ourense, 20 de marzo de 2010