CONCERTO NA PARAXE NATURAL DA BOUTUREIRA

Música e Cultura de Galicia participará coa súa banda de música o domingo, 20 de setembro, nun festival que co gallo do programa Vai de Camiño 2009, terá lugar na Boutureira de San Cibrao das Viñas, a partires das 16: 30 horas.

Este festival, que contará tamén coas actuacións da banda de San Cibrao das Viñas e a banda de gaitas Frouma, porá o broche final a unha xornada deportiva e cultural que se iniciará durante a mañá coa celebración da 3ª edición da Andaina Popular do Concello de San Cibrao das Viñas.