UN NOVO CURSO NA ESCOLA DE MÚSICA

A asociación Música e Cultura de Galicia comeza mañá venres, 11 de setembro, as clases e actividades da súa escola de música, que de novo neste curso se situará nas instalacións do Instituto de Ensino Secundario da Farixa de Ourense.

Os alumnos poderán aprender a tocar ou perfeccionar calquera dos diversos instrumentos que integran unha banda de música. Tamén se impartirán clases de linguaxe musical, guitarra, gaita, canto tradicional e majorettes. Para os nenos de 4 a 7 anos programáronse diferentes actividades de música e movemento. 

As clases, impartiranse os venres de 16 a 22 h., e os sábados, de 9 a 14 h., reservándose os sábados pola tarde, a partires das 16:30 h., para ensaios, seccionais e outras actividades de conxunto da nosa banda de música.

Tódalas persoas interesadas en participar nas nosas clases e actividades poden achegarse ó Instituto a falar connosco durante os días de clase ou contactar mediante chamada telefonica a calquera dos números seguintes: 649 76 58 76 ou 609 81 11 29.