Como vén sendo habitual nos 18 últimos anos, a asociación cultural Música e Cultura de Galicia e a asociación xuvenil Xoves Amigos do Concello van levar a cabo no mes de maio unhas xornadas de exaltación das letras e a música de Galicia.

O programa de actividades destas xornadas nesta ocasión, é o seguinte:

-Domingo, 10 de Maio de 2009, ás 18h., na Colexiata de Xunqueira de Ambía:

Cantareiras de Música e Cultura de Galicia
Banda Infantil de Música e Cultura de Galicia

-Martes, 12 de Maio de 2009, ás 20h., na Asociación de Veciños San Pío X de Mariñamansa:

Grupo de Guitarras "Cordas Bravas"
Grupo de Saxos "Folgos Novos"

-Domingo, 17 de maio de 2009, ás 19h., no Teatro Principal de Ourense:

Grupo de música e movemento de Música e Cultura de Galicia
Escolas de gaitas de Piñor e Molgas
Entrega de premios do XVIII Certame Literario de Piñor
Banda de Música do concello de Barbadás.

O prazo para presentar algunha obra ó XVIII Certame Literario de Piñor na especialidade de contos, remata o 8 de maio, ás 15:00h.
Establecéronse tres categorías (Ata 11 anos; de 12 a 16 anos; e de 17 a 30 anos), premiándose os tres mellores relatos en cada unha delas.
Cada premio constará dun diploma, diversos agasallos e un lote de libros.
Os contos estarán escritos en galego e a extensión e temática dos mesmos serán libres.

A entrega dos premios terá lugar o domingo, 17 de maio do 2009, nun acto que se celebrará dende as 19:00 h., no Teatro Principal da cidade de Ourense.