| |
Bases do XVIII CERTAME LITERARIO DE PIÑOR
noticias
|
|
|
Bases do XVIII CERTAME LITERARIO DE PIÑOR
As asociacións Música e Cultura de Galicia e Xoves Amigos do Concello, convocan o XVIII Certame Literario de Piñor na especialidade de contos.
1.- Establécense tres categorías, premiándose os tres mellores relatos en cada unha delas. -Categoría A para participantes de 17 a 30 anos. -Categoría B para participantes de 12 a 16 anos . -Categoría C para participantes ata 11 anos. Cada premio constará dun diploma, diversos agasallos e un lote de libros.
2- Os contos estarán escritos en galego e a extensión e temática dos mesmos serán libres, non debendo estar xa editados noutros libros ou publicacións.
3.- Os traballos enviaranse por correo ordinario á sede social da Asociación Cultural Música e Cultura de Galicia (R/Requeixo, 70. 32930. San Lourenzo de Piñor. Ourense), indicando no sobre: PARA O XVIII CERTAME LITERARIO DE PIÑOR.
4.- Xunto cos traballos, os participantes deberán envia-los seus datos nun sobre no que aparecerá pola súa parte externa, o lema ou pseudónimo, así como a categoría na que se participa. Dentro del, figurará o nome e apelidos do autor, idade, enderezo e número de teléfono. O prazo de admisión pecharase o venres, 8 de maio, ás 15:00 h.
5.- O xurado compoñerano persoas de recoñecida solvencia nos eidos do ensino e a literatura. O fallo será inapelable e a entrega dos premios terá lugar o domingo, 17 de maio do 2009, nun acto que se celebrará dende as 19:00 h., no Teatro Principal da cidade de Ourense e que contará coa animación musical das escolas de gaitas de Piñor e Molgas e a banda de música do concello de Barbadás.
6.- Os orixinais premiados non serán devoltos ós seus autores, reservándose os organizadores o dereito de publicalos. Os demais traballos poderán ser solicitados mediante chamada telefónica ó número 609 811 129 (número no que se facilitará tamén todo tipo de información sobre este certame).
7.- A interpretación destas bases corresponderá exclusivamente ó xurado. O feito de presentaren as súas obras supón a conformidade dos participantes coas presentes bases. Ourense, 15 de marzo de 2009
|
|
|
|
|
