CONCERTO DE NADAL NO TEATRO PRINCIPAL DE OURENSE

A Asociación Música e Cultura de Galicia levará a cabo o sábado, 13 de decembro de 2008, ás 20.00 h, no Teatro Principal da cidade de Ourense, un festival de inverno no que actuarán o grupo de música e movemento da escola, a banda de gaitas Frouma, o grupo de guitarras Cordas Bravas, as cantareiras da asociación, a banda de educandos da escola e a banda de música do concello de Barbadás.

A intervención de cada grupo será amena e breve, pois pretendemos non estender demasiado o evento en canto a súa duración, dado que o noso interese radica só en facer unha mostra musical de varias das seccións da escola de música que estamos a organizar dende xaneiro de 2008 nas instalacións do Instituto Secundario da Farixa, coa colaboración da Delegación Provincial da Consellería de Educación e co patrocinio da Deputación Provincial de Ourense. 

Este festival estará dedicado ós familiares dos numerosos músicos e alumnos que forman a Asociación Música e Cultura de Galicia.